Գերմանիայի դրոշի տակ հանդես եկող հայ պրոֆեսիոնալ բռնցքամարտիկ Արթուր
Աբրահամը մեկնել է Լոս Անջելես, որտեղ կշարունակի նախապատրաստվել Անդրե
Դիրելլի հետ մենամարտին: Հիշեցնենք, որ այն տեղի է ունենալու «Super Six
World Classic Boxing» գերմրցաշարի 2-րդ տուրի շրջանակներում, մարտի 6-ին:
«Ուրախ եմ Ամերիկա վերադառնալու համար: Եթե դու ուզում ես իսկական աստղ
դառնալ, անհրաժեշտ է հաղթանակներով տպավորել մարդկանց օվկիանոսի տարբեր
կողմերում: 2008 թ. հուլիսին նոկաուտի ենթարկելով Էդիսոն Միրանդային`
ազդարարեցի իմ հաջող մեկնարկի մասին: «Super Six» մրցաշարը
հնարավորություն կտա, որ ես իմ մասին հայտարարեմ ԱՄՆ-ում»,- Աբրահամի
խոսքերը մեջբերել է «Boxingscene»-ն: