Ռուսական Спорт день за днем թերի թղթակիցը զրուցել է Արթուր Աբրահամի հետ, ով նախորդ շաբաթ վստահ հաղթանակով սկսեց ելույթները Super Six World Boxing Classic մրցաշարում: Աբրահամը նշել է, որ շատ լավ էր ուսումնասիրել մրցակցին՝ Ջերմեն Թեյլորին:

«Ես այնքան երկար էի պատրաստվել այս մրցամարտին, այնքան երկար էի ուսումնասիրել ամերիկացու ուժեղ եւ թույլ կողմերը, որ տեղեկացված էի նրա ոճից գրեթե ինձանից ավելի: Մրցամարտի ելքից լիովին բավարարված եմ: Անկեղծ ասած, 12-րդ ռաունդում արդեն չէի մտածում, որ կարող եմ նոկաուտի ենթարկել»,-ասել է Աբրահամը:

Հունվարին Աբրահամը մրցելու է Անդրե Դիրելի հետ, ով շաբաթ օրը զիջեց բրիտանացի Կառլ Ֆրոչուին: Աբրահամը չի պատրաստվում թերագնահատել մրցակցին. «Պատրաստվում եմ մի քանի շաբաթ հանգստանալ, ապա կսկսեմ նախապատրաստվել Անդրեի հետ մրցամարտին: Առայժմ չեմ տեսել նրա մասնակցությամբ մրցամարտ: Պետք է գիտակցել, որ մրցավարների տարբեր գնահատակներով կրած պարտությունից հետո նա վճռական կլինի: 2-րդ պարտությունը ամրիկացուն զրկում է կիսաեզրափակիչ դուրս գալու հնարավորությունից: Մրցաշարի 6 մասնակիցների շարքում թույլ տղաներ չկան: Իզուր չէ, որ բռնցքամարտի սիրահարները մեր մրցաշարը նմանեցնում է ֆուտբոլի Չեմպիոնների լիգայի հետ»:

Շուտով Աբրահամը կժամանի Հայաստան. «Հայրենիքի հետ կապ չեմ պատրաստվում կորցնել: Ես 2 անձնագիր ունեմ՝ գերմանական եւ հայկական: Հայաստան ժամանում եմ տարվա մեջ 3-4 անգամ: Այնտեղ ինձ շատ ջերմ են ընդունումԼ»: