Բռնցքամարտի համաշխարհային ֆեդերացիան՝ ԱԻԲԱ-ն, 2009թ. տարեվերջյան զեկույցում անդրադարձել է նաեւ Հայաստանին: ԱԻԲԱ-ի նախագահը նշել է, որ Հայաստանը բարձր մակարդակով անցկացրեց 2009 թ. Աշխարհի պատանեկան առաջնությունը, որը մայիսին կայացավ Երեւանում:

«Այս տարվա պատանիների աշխարհի առաջնությունը ամենալավ ձևով կազմակերպված միջոցառումներից մեկն էր պատանիներիմակարդակով: Հայաստանի բռնցքամարտի ֆեդերացիան և կառավարությունը հիանալի աշխատանք կատարեցին այս միջոցառումը կազմակերպելու համար», - ասված է զեկույցում:

Զեկույցում նշվել են հետեւյալ գրառումները.

«Այն ԱԻԲԱ-ի 1-ին աշխարհի առաջնությունն է, որ երբևէ տեղի է ունեցել Հայաստանում:

Ռեկորդային թվով'  42 ազգությունների մասնակցություն:

Չինաստանը, Էկվադորը, Մոնտենեգրոն և Թայլանդը 1-ին անգամ իրենց մասնակցությունն ունեցան

Ռուսաստանը շահեց ամենաշատ թվով ոսկե մեդալներ, ընդհանուր առմամբ շահելով 5-ը:

Իռլանդիան, Բելառուսը, Հայաստանն ու Գերմանիան 1-ին անգամ տիտղոսներ շահեցին այս մակարդակում:

Ռեկորդային թվով' 15 երկիր իր մասնակցությունն ունեցավ եզրափակիչում:

Ռեկորդային թվով' 16 ազգություն ամենաքիչը մեկ մեդալ շահեց, այդ թվում Էկվադորը, Իսրայելն ու Մոլդովիան 1-ին անգամ»: