Գերմանիայի մայրաքաղաք Բեռլինում մեկնարկեց պորֆեսիոնալ բռնցքամարտի Super Six մրցաշարը, որտեղ ելույթ են ունենում միջին քաշային կարգի 6 հանրահայտ բռնցքամարտիկներ: Մեր հայրենակից Արթուր Աբրահամը, ով հանդես է գալիս Գերմանիայի դրոշի ներքո, վստահ հաղթանակով սկսեց ելույթները: Արթուրը նոկաուտով հաղթեց ամերիկացի Ջերմեն Թեյլորին եւ վաստակեց 3 միավոր:

Արթուր Աբրահամը մրցացամարտից առաջ համարվում էր այս դիմակայության ֆավորիտը: Թեյլորը եւս բավական հայտնի եւ տիտղոսակիր մարզիկ է, սակայն կարիերայի ընթացքում 2 անգամ պարտություն էր կրել նախքան այս մրցամարտը: Իսկ ահա Արթուրը ոչ մի պարտություն չուներ եւ հաղթարշավը շարունակեց նաեւ այս մրցավեճում:

Ողջ մրցամարտի ընթացքում Աբրահամը ուներ առավելություն: Ակնհայտ էր, որ եթե հաղթողը որոշվի մրցավարների գնահատականներով, ապա հայ բռնցքամարտիկը հաղթելու է: Սակայն Արթուրը չթողեց, որը գործը հասնի դրան եւ 12-րդ ռաունդի վերջին վայրկյաններին նոկաուտի ենթարկեց Թեյլորին: Վերջին ռաունդներում Աբրահամը մի քանի ուժեղ հարվածներ էր հասցրել մրցակցին, ով արդեն ի վիճակի չէր հավասարակշռությունը պահել ռինգում:

Այս մրցաշարում նոկաուտով հաղթանակի համար տրվում է 3 միավոր, պարզապես հաղթանակի համար` 2: Աբրահամը վստահ մեկնարկեց վերցրեց Super Six-ում, որը տեւելու է 2 տարի: