Ինչպես տեղեկացնում է Fightnews.com-ը, մայիսի 14-ին, ԱՄՆ-ի Կալիֆոռնիյա նահանգում կկայանա  Super Six մրցաշարի կիսաեզրափակիչ մրցամարտը երկրորդ միջին քաշային կարգում  WBA- ի տարբերակով աշխարհի չեմպիոն  Անդրե Ուորդի և միջին քաշայինում աշխարհի նախկին չեմպիոն Արթուր Աբրահամի միջև:Հայ բռնցքամարտիկը վստահ հաղթանակով սկսեց այս մրցաշարը' նոկաուտի ենթարկելով Թեյլորին, ով այդպես էլ չկարողացավ  ծանր նոկաուտից վերականգնվել և լքեց մրցաշարը: Աբրահամը համարվում էր մրցաշարի հաղթողի հիմնական հավակնորդը, սակայն հաջորդ երկու մրցամարտերում Արթուրը պարտություններ կրեց: Այդ անհաջողություններից հետո, շատերը համարում են, որ  Աբրահամի հնարավորություններն առաջիկա մարտում բարձր չեն, քանի որ նրա մրցակիցը' Անդրե Ուորդը, մրցաշարում առանձնանում է շատ տպավորիչ և հուսալի մրցելույթներով: Սակայն այդ կարծիքին չէ  Աբրահամը, ով պատրաստ է հաղթական վերադարձին. "Ես մեծ հարգանքով եմ վերաբերում Անդրե Ուորդին: Նա ապացուցել է իր բարձր կարգը' հաղթելով շատ ուժեղ բռնցքամարտիկների: Սակայն դա  ռինգում  որոշիչ գործոն չէ: Ես պատրաստ եմ հաղթական  վերադարձին: Իսկական չեմպիոնը մրշտ էլ պարտավոր  է պարտությունից հետո կարողանա իրեն վերադարձնել կոչումը Ես անհամբերությամբ եմ սպասում մայիսի 14-ին: Այդ օրը կապացուցեմ, թե ռինգում ինչի եմ ընդունակ"Անդրե Ուորդն իր հերթին նշել է, որ պատրաստ է Աբրահամի հետ մրցամարտին. "Ինձ ընդամենը մեկ քայլ է բաժանում  եզրափակչից և այն նպատակի իրագործումից, ինչի համար  ես մասնակցում եմ այս մրցաշարին: Իսկ նպատակս է' հաղթել և նվաճել 2-րդ միջին քաշայինում ուժեղագույն բռնցքամարտիկի տիտղոսը : Ես արդեն պատրաստ եմ մտնել ռինգ և Աբրահամի դեմ անցկացնել կիսաեզրափակիչ մարտը:" Ուորդը նշել է ,որ  այդ մրցամարտի ժամանակ Աբրահամը կունենա շատ երկրպագուներ, քանի որ Կալիֆոռնիայում մեծ է հայկական համայնքը: Սակայն, միևնույն ժամանակ, նա վստահություն է հայտնել, որ իր երկրպագուների բանակն ավելի մեծ կլինի, քանի որ  ինքը Կալիֆոռնիայից է:Երկրորդ կիսաեզրափակիչ մրցամարտը' Կարլ Ֆրոչի և Գլեն Ջոնսոնի միջև կանցկացվի մայիսի 21-ին, սական մրցավայրը դեռևս որոշված չէ: