Պրոֆեսիոնալ բռնցքամարտի առաջին թեթևքաշային կարգում WBA-ի վարկածով ժամանակավոր չեմպիոն Նոնիտո Դոների մենեջեր Քեմերոն Դոնկինը հայտարարել է, որ պրոմոուտեր Գերի Շոուն, ով ներկայացնում է նույն քաշային կարգում տարբեր վարկածներով աշխարհի չեմպիոն Վիկ Դարչինյանի շահերը, դիմել է իրեն` երկու բռնցքամարտիկների միջև ռևանշ-մրցամարտ կազմակերպելու համար:

«Նոնիտոն ցանկանում է մեկ մենամարտ անցկացնել մինչև հունիս: Նա հետաքրքրված է հենց Դարչինյանի հետ մարտով: Եթե բանակցությունները հաջողությամբ ավարտվեն, դա տեղի կունենա հենց այն քաշային կարգի շրջանակներում, որում հանդես է գալիս Նոնիտոն: Դոներն ուզում է ծանրաբեռնվել աշխատանքով և այս տարի անցկացնել 4 մարտ»,- Դանկինի խոսքերը մեջբերել է «Boxingscene»-ն: