Главная » 2009 » Դեկտեմբեր » 28 » Դոները հոգեբանորեն պատրաստ է Դարչինյանի հետ մենամարտին
4:58 PM
Դոները հոգեբանորեն պատրաստ է Դարչինյանի հետ մենամարտին
28.12.2009
Ֆիլիպինցի Նոնիտո Դոները, ով երկրորդ թեթևքաշային կարգում WBA-ի
վարկածով աշխարհի ժամանակավոր չեմպիոն է, հայտարարել է իր
պատրաստակամության մասին` ռևանշ-մրցամարտում հանդիպելու Վիկ Դարչինյանի
հետ: Իսկ հայ մարզիկը WBA-ի և WBC-ի վարկածներով աշխարհի չեմպիոնն է:
Հարկ է նշել, որ Դոները մտադիր է Վիկ Դարչինյանի հետ հանդիպել ցանկացած
վայրում: Հիշեցնենք, որ վերջերս հայ բռնցքամարտիկը հայտարարել է, որ
ցանկանում է Դոների հետ մենամարտն անցկացնել Ավստրալիայում: Նախ Նոնիտոն
ռինգում կհանդիպի մեքսիկացի Հերսոն Հերրերոյի հետ, որի նկատմամբ
հաղթանակից հետո պլանավորում է մենամարտել Դարչինյանի հետ 2010 թ. սկզբին:
«Հիանալի կլինի, եթե այդ մարտը կայանա: Ես հոգեբանորեն պատրաստ եմ դրան:
Նախ պետք է կարողանամ հաղթել Հերրերոյին: Պլանավորում եմ ջարդել նրան, իսկ
այնուհետև հանդիպել Դարչինյանի հետ»,- Դոների խոսքերը մեջբերել է
«Boxingscene»-ն:
Հիշեցնենք, որ այս մարզիկների միջև առաջին մենամարտն ավարտվել է Նոնիտո
Դոների հաղթանակով: Դա Դարչինյանի կարիերայում առաջին պարտությունն էր,
այն էլ` նոկաուտով, 5-րդ ռաունդում:
