Ամերիկյան Նևադա նահանգի Լաս Վեգաս քաղաքում կայացել է այսօր տեղի ունենալիք պրոֆեսիոնալ բռնցքամարտի երեկոյի մասնակիցների կշռման պաշտոնական արարողությունը: Շոուի գլխավոր իրադարձությունը ԱՄՆ-ի դրոշի տակ հանդես եկող հայ բռնցքամարտիկ Վանես Մարտիրոսյանի և Ուգանդայի ներկայացուցիչ Քասիմ Օումայի մենամարտն է:

Մրցակիցներն առանց խնդրի տեղավորվեցին առաջին միջինքաշային կարգի (մինչև 69,853 կգ) շրջանակներում: 23-ամյա Մարտիրոսյանը 69,4 կգ քաշ ունի, իսկ 31-ամյա Օուման` 68 կգ:

Ավելացնենք, որ Մարտիրոսյան-Օումա մենամարտի հաղթողը կտիրանա WBO NABO-ի և NABF-ի վարկածներով չեմպիոնի կոչմանը: