Մարտի 6-ին նշանակված Արթուր Աբրահամի ու Անդրե Դիրելի միջև մենամարտը՝ Super Six գերմրցաշարի շրջանակներում, հետաձգվել է։ 26-ամյա ամերիկացին՝ սպարինգներից մեկի ընթացքում  վնասել է մեջքը ու՝ բժիշկների խորհուրդով, չի մարզվելու առաջիկա 2-3 շաբաթների ընթացքում։

Այս մասին հայտնել է փրոմոութերական «Sauerland Event» ընկերության տնօրեն Կրիս Մեյերը՝ ավելացնելով, որ մենամարտը հավանաբար կկայանա մարտի 27-ին։

«Կարևոր է, որ Անդրե Դիրրելը արագորեն ապաքինվի վնասվածքից հետո։ Մենք կարծում ենք, որ վնասվածքը այնքան էլ լուրջ չէ, և մենամարտը կկայանա մոտ ժամանակներս», - մեջբերում է Մեյերի խոսքերը boxen.com-ը։

Ինչ վերաբերում է Արթուր Աբրահամին, ապա փետրվարի 8-ին ԱՄՆ մեկնած հայ բռնցքամարտիկը հայտարարել է, որ հիասթափված է մենամարտի հետաձգման նորությունից։

«Մարզումները ընթանում էին ամբողջ ծանրաբեռնվածությամբ: Մենք քրտնաջան աշխատում էինք եւ քննարկում բոլոր դետալները, ուստի 6-ին ես կլինեի հիանալի մարզավիճակում: Ես հասկանում եմ, որ Դիրելը նույնպես ցանկանում է լավ մարզավիճակում լինել, երբ ռինգ դուրս կգա իմ դեմ»,-ասել է Աբրահամը:

Աբրահամի Գերմանի վարդառնալու հարցն առայժմ անորոշ է:

«Դա կախված է մրցամարտի ժամկետից: Եթե այն կայանա մարտին, ապա հնարավոր է, որ Արթուրը մնա ԱՄՆ-ում եւ շարունակի մարզումային գործընթացը, քանի որ իմաստ չկա վերադանռալ նման կարճ ժամանակահատվածով», - ասել է Մեյերը:

Հիշեցնենք, որ այս մրցամարտը հետաձգվում է 2-րդ անգամ: Այն պետք է կայանար հունվարի 23-ին, սակայն Աբրահամը հիվանդացավ եւ մրցամարտը տեղափոխվեց մարտի 6-ին

Armsort.am