Ինչպես արդեն տեղեկացրել ենք, պրոֆեսիոնալ բռնցքամարտի աշխարհի չեմպիոն Վիկ Դարչինյանն ու ֆիլիպինցի Նոնիտո Դոները դադարեցրել են ռևանշի մենամարտի կազմակերպմանը միտված բանակցությունները, քանի որ վերջինիս թիմը հրաժարվել է ստորագրել պայմանագիրը: Ստեղծված իրավիճակը մեկնաբանել է նաև ինքը` Վիկ Դարչինյանը:
«Ես չեմպիոն եմ երկու վարկածով և պարտավոր չեմ սպասել Դոներին,- ասել է նա:- Ուզում եմ չեմպիոնական կոչումներ նվաճել 4-5 քաշային կարգում և մտադիր չեմ իզուր ժամանակ կորցնել` սպասելով, թե Արքայադուստր Նոնիտոն երբ կորոշի` ցանկանո՞ւմ է մենամարտել, թե՞ ոչ: Նոնիտոն գիտի, թե մենամարտելու դեպքում իրեն ինչ է սպասվում: Ես նրան նոկաուտի կենթարկեմ: Հավանաբար, խելացի է վարվում և չի ուզում հանդիպել մի մրցակցի հետ, ով խաչ կքաշի նրա հետագա կարիերայի վրա»: