Միջին քաշային կարգում նախկին աշխարհի չեմպիոն Ջեմեին Թեյլորի ներկայացուցիչները հայտնել են, որ երկուշաբթի բռնքամարտիկը դուրս է գրվել Բեռլինում գտնվող հիվանդանոցից, որտեղ նրան տեղափոխել էին հայաազգի Արթուր Աբրահամից ստացած նոկաուտից հետո։

Ավելի վաղ բժիշկներն ու մարզիկի թիմը՝ վախենալով Թեյլորի առողջականից (ամերիկացին ուժեղ ուղեղի ցնցում ու հիշողության կարճաշամկետ կորուստ ուներ) մտադիր էին չշտապել դուրս գրման հետ։ Դա տեղի չի ունեցել, սակայն, ամենայն հավանականությամբ, Թեյլորին դեռ թույլ չեն տվել ինքնաթիռով մեկնել ԱՄՆ, և նա մի քանի օր էլ կանցկացնի Եվրոպայում՝ կնոջ Էրիկայի հետ, հայտնում է Allboxing-ը։

Իր հերթին Արթուր Աբրահամը շատ ուրախ էր, որ իր մրցակիցը արդեն լքել է հիվանդանոցը ու հայտնել, որ մի փոքր հանգստից հետո նա կսկսի պատրաստվել մրցաշարի հաջորդ մրցավեճին՝ Անդրե Դիրելի դեմ։

«Առողջությունը ամենից կարևոր է, և ես շատ ուրախ եմ, որ Ջերեինի մոտ ամեն ինչ կարգին է, – մեջբերում է Աբրահամի խոսքերը gazeta.ru-ն, — Ինձ համար մեծ պատիվ էր մրցել նրա հետ։ Հուսամ, ես կկարողանամ մի փոքր հանգստանալ իմ մարզիչ Ուլլի Վեգներից։ Հիմա, երբ ես գիտեմ, որ Ջերմեինի հետ ամեն ինչ կարգին է, կարող եմ սկսել նշել իմ հաղթանակը։

Սակայն դա կտևի ընդամենը երկու օր, որից հետո ես կսկսեմ պատրաստվել Դիրելի հետ մրցամարտին»։