«Մրցաշարին կմասնակցեն 100-ից ավել բռնցքամարտիկներ, որոնց թվում Հայաստանի 30 ներկայացուցիչներ: Կազմակերպչական հարցերը գրեթե ավարտված են: Բոլոր պատվիրակությունները կհանգրվանեն «Royal Armenia» հյուրանոցում:

 Հայաստանի բռնցքամարտի ֆեդերացիան մտադիր է դիմել Եվրոպայի բռնցքամարտի կոնֆեդերացիային խնդրանքով, որ այս մրցաշարը դառնա 2012 թ. օլիմպիական խաղերի 4 վարկանիշային մրցաշարերից մեկը: Եթե մեր առաջարկը ընդունվեց, ապա Գագիկ Ծառուկյանի անվան մրցաշարը կդառնա վարկանիշային», - ասաց Լյովա Հովհաննիսյանը:

 Այս տարվա մրցաշարին մասնակցելու են Հայաստանի, Բուլղարիայի, Բելառուսի, Գանայի, Վրաստանի, Իրանի, Ղազախստանի, Մակեդոնիայի, Մոլդովայի, Մոնղոլիայի, Ռուսաստանի, Ուկրաինայի ու Ուզբեկստանի հավաքականները: Մասնակիցները Հայաստան են ժամանելու մինչեւ ապրիլի 5-ը:

armsport.am