Պրոֆեսիոնալ բռնցքամարտի առաջին թեթևքաշային կարգում WBC-ի և WBA-ի վարկածներով աշխարհի չեմպիոն Վիկ Դարչինյանը կտրուկ տոնով մենամարտի է հրավիրել ֆիլիպինցի Նոնիտո Դոներին:

«Դոները չի ուզում մենամարտել ինձ հետ: Նրա հաջորդ մրցակցի` Խորխե Արսեի ժամանակը վաղուց անցել է: Նոնիտոն նվաճել է թափուր մնացած կոչումը, այն էլ` շատ ապաշնորհ ձևով, և հիմա իրեն չեմպիո՞ն է անվանում: Դոներն ուզում է մենամարտել Արսեի հետ, սակայն երկրպագուներին տվեք այն, ինչ նրանք ցանկանում են: Ես նրա համար չեմպիոնական երկու գոտի եմ պատրաստել: Արի մենամարտ կազմակերպենք: Ինձ հետ մարտից հետո կարող ես կռվել Արսեի հետ»,- հայ բռնցքամարտիկի խոսքերը մեջբերել է «Boxingscene»-ն: