Ամերիկյան Լաս Վեգաս քաղաքում տեղի ունեցած բռնցքամարտի երեկոյի գլխավոր իրադարձությունը, ինչպես արդեն տեղեկացրել ենք, ամերիկահայ Վանես Մարտիրոսյանի` ցածր միջինքաշային կարգում WBO NABO-ի և NABF-ի վարկածներով կոչման պաշտպանության համար մենամարտն էր` ընդդեմ աշխարհի նախկին չեմպիոն Քասիմ Օումայի: Մարտը բաղկացած էր 10 ռաունդից: Վանես Մարտիրոսյանը և Քասիմ Օուման մենամարտեցին նախատեսված ողջ ժամանակահատվածում: Ի վերջո, հայ բռնցքամարտիկը միավորներով վստահ հաղթանակ տոնեց: Մրցավարներից երկուսը նրա առավելությունն արձանագրեցին 97:93, իսկ մեկը` 97:92 հաշվով:

Հանդիպումից հետո Վանես Մարտիրոսյանը fightnews.com-ի թղթակցի հետ զրույցում մեկնաբանել է իր հաղթանակը:
«Անկեղծ ասած` ես ինքս մենամարտն ավելի բարդացրեցի, քան իրականում այն պետք է լիներ: Ամեն ինչ ինձնից էր կախված»,- նշել է նա: